Archive

21 апрелы Республикæ Хуссар Ирыстоны Фæсарæйнаг хъуыддæгты министр Джиоты М.К. йæхимæ райста Хæххон Карабахы Республикæйы делегаци йæ сæргъ Фæсарæйнаг хъуыддæгты министр К.А.Мирзоянимæ. Делегацийы сконды уыд ХКР ФХМ аппараты генералон секретарь-къухдариуæггæнæг Афинян С.Ю., уыдон æрцыдысты Цхинвалмæ Республикæ Хуссар Ирыстоны æвзæрст Президент Бибылты Ильяйы фырт Анатолийы инаугурацимæ.

21 апрелы Республикæ Хуссар Ирыстоны Фæсарæйнаг хъуыддæгты министр Джиоты М.К. фембæлд Донецкы Адæмон Республикæйы Фæсарæйнаг хъуыддæгты министр Н.Ю. Никонороваимæ. Уый æрцыд официалон делегацийы сконды Цхинвалмæ Республикæ Хуссар Ирыстоны æвзæрст Президент Бибылты Ильяйы фырт Анатолийы инаугурацимæ.

Фембæлды хайад райста Республикæ Хуссар Ирыстоны Фæсарæйнаг хъуыддæгты министры фыццаг хæдивæг Цхуырбаты А.В.

Фембæлды рæстæджы дзырд цыд Республикæ Хуссар Ирыстон æмæ Донецкы Адæмон Республикæйы æхсæн хæларадон ахастытæ алыхуызон къабæзты дарддæр фидар кæныныл.

ИНО-йы адæймаджы барты фæдыл Советы ист резолюци «Гуырдзыстонимæ æмгуыстад»-ы тыххæй

24 марты Женевæйы уагъд ИНО-йы Адæймаджы барты фæдыл Советы 34 сессийыл ист æрцыд резолюци «Гуырдзыстонимæ æмгуыстад», цыран æвдыст æрцыд æнæбындур тыхстдзинад «Хуссар Ирыстоны адæймаджы барты уавæр æмæ гуманитарон уавæры» фæдыл, æмæ ма йæ территоримæ кæй нæй æхсæнадæмон цæстдарджытæн бацæуыны фадат, уый тыххæй. Документ бацæттæ кодта æмæ йæ хъæлæсæппæрстмæ бахаста Гуырдзыстон.

Хъусдард аздæхтæуыд ИНО-йы Генералон Секретары минæвары ныхæстæм, кæцыты хъыгдзинад загъдæуыд Республикæ Хуссар Ирыстоны Президенты æвзæрстытæ æмæ бæстæйæн йæ историон ном Паддзахад Алани раздахыны фæдыл референдум ауагъд кæй æрцыдысты, уый тыххæй. ИНО-йы уымæн аргъ кæнынц, куыд иуварсон архайдтытæ, кæцытæ гæнæн ис негативонæй бандавой регионалон æдасдзинадыл æмæ фехалой Жене-вæйы æхсæнадæмон дискусситæ.

2017 азы 9 апрелы Республикæ Хуссар Ирыстоны уагъд æрцыдысты Республикæ Хуссар Ирыстоны Президенты радон æвзæрстытæ æмæ Референдум бæстæйæн йæ историон ном - Паддзахад Алани раздахыны фæдыл.

Æвзæрстытæ æмæ Референдум уагъд æрцыдысты Республикæ Хуссар Ирыстоны Конституци æмæ Республикæ Хуссар Ирыстоны æвзарæн закъондæттынады бындурыл, демократийы бындурæвæрæг принциптæ æмæ æхсæнадæмон нормæтæм гæсгæ. Хъæлæсæппæрст уагъд цыд 77 æвзарæн фадыджы, уыдонæй 5 конд уыдысты Республикæ Хуссар Ирыстоны дипломатон мисситы территоритыл Уæрæсейы Федераци æмæ Республикæ Абхазы.

Днестргæрон Молдаваг Республикæйы Республикæ Хуссар Ирыстоны Официалон Минæварады Сæргълæууæг снысан кæныны тыххæй

Республикæ Хуссар Ирыстоны Фæсарæйнаг хъуыддæгты министры бардзырдмæ гæсгæ 2017 азы 10 апрелы Днестргæрон Молдаваг Республикæйы Республикæ Хуссар Ирыстоны Официалон Минæварады Сæргълæууæгæй нысангонд æрцыд Янковский Валентины фырт Виталий.

Цхинвал, 2017 азы 12 апрель

 

Хуссар Ирыстоны æнæ хъусдард нæ баззадысты Гуырдзыстоны Фæсарæйнаг хъуыддæгты министрад, 9 апрелы Республикæ Хуссар Ирыстоны снысангонд президентон æвзæрстытæ æмæ историон ном – Паддзахад Алани раздахыны æмæ дзы уæвæг ном Республикæ Хуссар Ирыстонимæ иумæ пайда кæныны фæдыл референдум ауадзыны тыххæй цы фидиуæнтæ парахат кæны, уыдон. Уыцы фидиуæнты æхсæн Европарламенты æдасдзинад æмæ хъахъхъæнынады фæдыл дæлкомитеты Сæрдар Анна Фатыга, АИШ-ы Паддзахадон департамент æмæ æндæр уагдæтты фидиуæнтæ, цыран æвдыст цæуы «арф тыхстдзинад» референдум æмæ æвзæрстыты охыл.

5 апрелы Республикæ Хуссар Ирыстоны Фæсарæйнаг хъуыддæгты министр Джиоты М.К. райста йæхимæ Республикæ Хуссар Ирыстоны Уæлвæткон æмæ Æххæстбарджын Минæвар Боливариайнаг Республикæ Венесуэлæ æмæ Республикæ Никарагуайы Козаты Н.З.

Козаты Н.З. радзырдта Министрæн йæ визиты деталты тыххæй Венесуэлæмæ, цыран Хуссар Ирыстоны делегаци хайад иста Венесуэлæйы Президент Уго Чавесы мæлæты бонæй 4 азы рацыды цытæн уагъд мысæн мадзæлтты.

Фембæлды рæстæджы ма дзырд цыд Венесуэлæ æмæ Никарагуаимæ хæларадон ахастытæ фидар кæныны куысты актуалон фарстатыл.

4 апрелы РХИ Фæсарæйнаг хъуыддæгты министрады æмкусджытæ æрбахастой Республикæ Хуссар Ирыстоны Уæрæсейы Федерацийы Минæварадмæ дидинджытæ, 3 апрелы Санкт-Петербурджы террористон акты фæстиуæгæн чи фæмард, уыдон ном арынæн.

Хуссар Ирыстоны æмбæстæгтæ боны дæргъы Республикæ Хуссар Ирыстоны Уæрæсейы Федерацийы Минæварады агъуыстмæ хастой дидинджытæ, Уæрæсейы Федерацийы адæмæн тæфæрфæс кæнгæйæ.

Теракты чи бахауд, уыдон нымæцы ис Хуссар Ирыстоны гуырд Хаситы Виталий. Уый ныртæккæ ис Санкт-Петербурджы рынчындонтæй иуы.

Цхинвал, 2017 азы 5 апрель

 

 

31 марты Мæскуыйы уыд фембæлд Республикæ Хуссар Ирыстоны Уæлвæткон æмæ Æххæстбарджын Минæвар Боливариайнаг Республикæ Венесуэлæйы Козаты Наримæн æмæ ногæй снысангонд Боливариайнаг Республикæ Венесуэлæйы Уæлвæткон æмæ Æххæстбарджын Минæвар Республикæ Хуссар Ирыстоны Карлос Рафаэль Фария Тортосимæ.

Фембæлды рæстæджы хъуыдытæ загъдæуыд Хуссар Ирыстон æмæ Венесуэлæйы æхсæн хæларадон ахастытæ райрæзты æмæ дыууæварсон æмгуыстады перспективæты фæдыл.

Цхинвал, 2017 азы 3 апрель

 

24 марты Женевæйы ИНО-йы адæймаджы барты фæдыл Советы сессийыл райстæуыд резолюци «Гуырдзыстонимæ æмгуыстад», цыран æвдыстæуы тыхстдзинад «Хуссар Ирыстоны адæймаджы бартæ æмæ гуманитарон уавæры» фæдыл, æмæ ма æхсæнадæмон цæстдарджытæн кæй нæй йæ территоримæ бацæуыны бар, уый фæдыл. Ацы документ сессимæ бацæттæ кодта æмæ бавдыста Гуырдзыстон.

20 марты цæгат-балтиаг бæстæты делегаци (NB8) æмæ Гуырдзыстоны фидыд æмæ æмбæстагон æмбардзинады фæдыл паддзахадон министр уыдысты балцы Республикæ Хуссар Ирыстоны арæнгæрон гуырдзиаг цæрæгджын пункт Хурвалеты.

Бæрæг у, ахæм ритуалон экскурситæ фæсарæйнаг делегацитæн Гуырдзыстоны нымад цæуынц сæ диссаджы спектаклы æнæмæнгхъæуæг актыл, цыран Гуырдзыстон æнæаххос амæттаджы ролы дзуры традицион монологтæ фиктивон «оккупацигонд регионтæ» æмæ сæфт «территориалон иудзинады» тыххæй. Ахæм æмбарынадтæн та никуы ницы уыд иумæйагæй реалондзинадимæ.