Archive

МИД Южной Осетии

2014 азы «Хъырымы уалдзæг»-ы цаутæ æмæ 2014 азы тæргæйтты мæйы 16-æм боны Хъырымы Автономон Республикæ æмæ сахар Севастополы ацæугæ æппæтхъырымон референдумы хатдзæгтæ, æнæдызæрдыгæй, систы историон рæстдзинад сног кæнынæн ахсджиаг акт. Референдумы æхсæнадæмон барад æмæ ИНО-йы Уставы нормæтæм гæсгæ, Хъырымы цæрджытæ уыдысты Уæрæсейы Федерацийы субъекты хуызы Уæрæсемæ æрбаиу кæныны ‘вварс. 

Церемония возложения цветов в Парке Славы в Сухуме

Тæргæйтты мæйы 15-æм бон Республикæ Хуссар Ирыстоны Уæлвæткон æмæ Æххæстбарджын Минæвар Абхазы Республикæйы Боциты Олег хайад райста Сухумы Кады Парчы дидинтæ сæвæрыны церемонийы, кæцы уагъд æрцыд 1993 азы Марты æрбабырсты операцийы рæстæджы фæмард хæстонты рухс ном ссарынæн.

Уыцы æрбабырст у 1992-1993 азты Абхазы адæмы Фыдыбæстæйы хæсты æппæты тугкалддæр цаутæй иу, кæцы ахаста 222 адæймаджы цард, се ‘хсæн Хуссар Ирыстонæй бархионтæ дæр.

Встреча участников югоосетинской делегации на Женевских международных дискуссиях с Сопредседателями Женевских дискуссий от ЕС, ОБСЕ и ООН

Тæргæйтты мæйы 15-æм бон ацыд Женевæйы æхсæнадæмон дискусситы хуссарирыстойнаг делегацийы хайадисджыты фембæлд Женевæйы дискусситы ЕЦ, ОБСЕ æмæ ИНО-йы Æмсæрдæрттимæ. 

Фембæлды рæстæджы æрдзырдæуыд хуымгæнæны мæйы 4-5 бонтæм снысангонд Женевæйы дискусситы 60-æм раунды фæтк æмæ куыстыл. 

Нысангонд æрцыд, уæвæг регионалон æдасдзинады уавæры Женевæйы дискусситæ кæй сты регионы сабырад æмæ стабилондзинад бахъахъхъæныны ахсджиаг иуæг.

Презентация книги «Философия. Культура. Религия»

Тæргæйтты мæйы 13-æм бон Республикæ Хуссар Ирыстоны Фæсарæйнаг хъуыддæгты министр Джиоты Æхсар бабæрæг кодта Тыбылты Алыксандыры номыл Хуссар Ирыстоны Паддзахадон университеты философийы кафедрæйы доцент Хуыбиаты Соняйы чиныг «Философи. Культурæ. Религи»-йы презентаци.

Уацты æмбырдгонды æркастæуыд философийы æмбарынады классикон фарстатæм æмæ рагон философты цæстæнгасмæ, афтæмæй ма Ирыстоны æмæ Уæрæсейы религийы проблематикæмæ.

Цхинвал, 2024 азы тæргæйтты мæйы 13-æм бон

Круглый стол, посвященный выборам Президента России

Тæргæйтты мæйы 11-æм бон Республикæ Хуссар Ирыстоны Фæсарæйнаг хъуыддæгты министр Джиоты Æхсар хайад райста Уæрæсейы Президенты æвзæрстыты фæдыл тымбыл фынджы куысты, кæцы сорганизаци кодта Хуссар Ирыстоны Информаци æмæ мыхуыры комитет.

Мадзалы хайад райстой Хуссар Ирыстоны политиктæ, политикон партиты раздзогтæ, æхсæнадон архайджытæ, политологтæ æмæ эксперттæ.

VII Глобальный форум молодых дипломатов «Дипломатия в эпоху многополярного мира»

Тæргæйтты мæйы 1-7 бонты Республикæ Хуссар Ирыстоны Фæсарæйнаг хъуыддæгты министрады кусджытæ хайад райстой Æвзонг дипломатты Глобалон форум «Дипломати бирæполярон дунейы рæстæджы»-йы, кæцы ацыд Фæсивæды æппæтдунеон фестивалы фæлгæтты «Сириусы».

Форумы куысты хайад райстой 150 дипломаты дунейы 60 бæстæйæ. Форумы сæйраг цау ссис Æвзонг дипломатты æхсæнадæмон ассоциацийы Секретариаты баконд, кæцыйы устав фидаргонд æрцыд 2021 азы кæфты мæйы. 

Ахсар Джиоев

Республикæ Хуссар Ирыстоны Фæсарæйнаг хъуыддæгты министр Джиоты Æхсармæ йæ райгуырæн боны цытæн æрбарвыстой арфæйы фыстæджытæ Республикæ Абхазы Фæсарæйнаг хъуыддæгты министр Инал Ардзинба, Приднестроваг Молдаваг Республикæйы Фæсарæйнаг хъуыддæгты министр Виталий Игнатьев, Донецкы Адæмон Республикæйы Сæргълæууæг Денис Пушилин, Уæрæсейы Федерацийы Уæлвæткон æмæ Æххæстбарджын Минæвар Республикæ Хуссар Ирыстоны Марат Кулахметов, фæсарæнты Хуссар Ирыстоны минæварадты, Республикæйы Министрадтæ æмæ уагдæтты Сæргълæуджытæ.

Ахсар Джиоев и Сергей Лавров

Уæрæсейы Федерацийы Фæсарæйнаг хъуыддæгты министр Сергей Лавров рарвыста арфæйы фыстæг Республикæ Хуссар Ирыстоны Фæсарæйнаг хъуыддæгты министр Джиоты Æхсармæ райгуырæн боны цытæн.

Арфæйы дзырдæуы: «Цытджын Æхсар Мураты фырт,

Райс мын мæ зæрдæбын арфæтæ дæ райгуырæн боны цытæн!

Ацæугæ азы кæфты мæйы 3-æм бон Сочийы нæ фембæлд Республикæ Хуссар Ирыстоны Президент Гаглойты Алан æмæ демæ стыр æхцондзинадимæ лæууы мæ зæрдыл. Уыцы фембæлды рæстæджы уæлдай хатт бæрæг уыд нæ иухуызон ахаст дывæрсон æмархайд æмæ æхсæнадæмон боны фæткы фарстатæм.

МИД Южной Осетии

2014 азы æртхъирæны мæйы Киевы райдыдтой цаутæ, кæдонæн Украинæйы ног мифологийы фæзынд ном «Аккагдзинады революци». Уыцы цаутæ фæстæдæр ныппырх кодтой Украинæйы хæдбардзинад æмæ суверенитет.

«Уæрæсейы ныхмæ коалицийы» бæстæтæ цы мидполитикон кризис расидтысты, уый æрбæстон кæныны фадат уыцы рæстæг уыд. Кæд æмæ Киевы уавæр æрбæстон кæнынæн бафыст æрцыд документ, уæддæр хицауад æмæ оппозицийы ‘хсæн цы быцæуаг фарстытæ сæвзæрд, уыдон нæ бантыст аскъуыддзаг кæнын. Бæрæг у, æмæ йæ реализаци нæ уыд «коллективон Ныгуылæны» пълæнтты, кæцыйы сæргъ сты Америкæйы Иугонд Штаттæ.

Торжественная церемония возложения венков и цветов ко Дню защитника Отечества

Æртхъирæны мæйы 23-æм бон Республикæ Хуссар Ирыстоны Фæсарæйнаг хъуыддæгты министр Джиоты Æхсар æмæ Министрады кусджытæ хайад райстой Хуссар Ирыстоны Хъахъхъæнджыты Мемориал æмæ 5-æм скъолайы кæрты Мемориалон уæлмæрдмæ веноктæ æмæ дидинтæ сæвæрыны цытджын церемонийы, кæцы ацыд Фыдыбæстæ Хъахъхъæнæджы боны æмæ Хуссар Ирыстоны Хъахъхъæнынады министрады сырæзтæй 31 азы рацыды цытæн.

Встреча Министра иностранных дел РЮО А.М. Джиоева с представителями МККК

Æртхъирæны мæйы 21-æм боны Республикæ Хуссар Ирыстоны Фæсарæйнаг хъуыддæгты министр райста йæхимæ Сырх Дзуары Æхсæнадæмон Комитеты (СДÆК) Минæварады Сæрдар Хуссар Ирыстоны Драгослав Блажевичы æмæ СДÆК-ы Кавказы æбæрæгæй чи фесæфт, уыдоны фарстыты фæдыл Минæвар Аньес Котуйы.

Заседание отчетной Коллегии МИД Приднестровья

Æртхъирæны мæйы 15-æм бон Республикæ Хуссар Ирыстоны Фæсарæйнаг хъуыддæгты министр Джиоты Æхсар видеоконференцийы хуызы хайад райста Приднестроваг Молдаваг Республикæйы Фæсарæйнаг хъуыддæгты министрады Дзуапдæттæн коллегийы рабадты, кæцы уагъд æрцыд æддагполитикон уагдоны 2023 азы куысты фæдыл.

Рабадты ма хайад райста Приднестроваг Молдаваг Республикæйы Официалон Минæварады Сæрдар Республикæ Хуссар Ирыстоны Плиты Алан.