Новости

Республикæ Хуссар Ирыстоны Фæсарæйнаг хъуыддæгты министр Джиоты Æхсар арвыста арфæйы фыстæг юбилейы цытæн Сириаг Араббаг Республикæйы Фæсарæйнаг хъуыддæгты æмæ эмигрантты хъуыддæгты фæдыл министр Фейсал аль-Микдадмæ.

Сæрмагондæй, арфæйы дзырдæуы:

«Зынгæ паддзахадон архайæг, фæлтæрд дипломат, йæ бæстæйы æцæг патриот æмæ æмбæстаг уæвгæйæ, бирæ азты бæрнонæй фæкуыстай Сири æмæ йæ адæмы хæрзиуæгæн. Адæймаджы хорз миниуджытæ æмæ дæ профессионалон зонындзинæдты фæрцы дын ис хорз ном æмæ цыт æхсæнадæмон партнертæ æмæ коллегæты ‘хсæн.

Республикæ Науруйы Хæдбардзинады боны фæдыл Республикæ Хуссар Ирыстоны Фæсарæйнаг хъуыддæгты министрад арвыста арфæйы фыстæг Республикæ Науруйы Фæсарæйнаг хъуыддæгты, базарад æмæ финансты министрадмæ.

Сæрмагондæй, арфæйы дзырдæуы:

«Науруйы паддзахаддзинады бындуры ис æвæрд национ хъæддыхдзинад æмæ адæмы мон, кæцыты историон фæндаг дзурæг у сабырдзинадмæ æмæ райрæзтмæ тырнынадыл.

Хуссар Ирыстоны суверенитет æмæ хæдбардзинад банымайгæйæ, Республикæ Науру цы стыр æххуыс бакодта, уый Хуссар Ирыстоны адæм алыхатт дæр сæ зæрдыл дардзысты».

Тъæнджы мæйы 29-æм бон Республикæ Хуссар Ирыстоны Фæсарæйнаг хъуыддæгты министр Джиоты Æхсар хайад райста зонадон-практикон конференци «Украинæйы кризис: ратæдзæнтæ, райрæзты здæхт, геополитикон контекст»-йы, кæцы сорганизаци кодтой Тыбылты Алыксандры номыл Хуссар Ирыстоны Паддзахадон университет (ХИПУ) æмæ Уæрæсейы Федерацийы Минæварад Республикæ Хуссар Ирыстоны.

Тъæнджы мæйы 27-æм бон Республикæ Хуссар Ирыстоны Уæлвæткон æмæ Æххæстбарджын Минæвар Уæрæсейы Федерацийы Гасситы Знауыр, 25 дипломатон миссийы сæрдары æмæ 44 паддзахады минæвæртты колоннæйы сæргъ лæугæйæ, хайад райста Ленинград блокадæйæ ссæрибар кæныны бонæй 80 азы рацыды охыл цытджын-фыдохы церемонийы.

Республикæ Хуссар Ирыстоны адæмы номæй æрцыдысты æвæрд дидинтæ Пискарёвы мемориалон уæлмæрды Мад-Фыдыбæстæйы монумент æмæ мысæн дзæнхъа къæймæ, кæцы бакондæуыд блокадон Ленинград Ирыстонæй чи хъахъхъæдта, уыдон номыл.

Тъæнджы мæйы 23-æм бон Хуссар Ирыстоны Уæлвæткон æмæ Æххæстбарджын Минæвар Абхазы Боциты Олег хайад райста Абхаз æмæ Приднестровьейы 'хсæн Хæларад æмæ æмгуыстады фæдыл Бадзырд бафыссынæй 31 азы рацыды цытæн тымбыл фынджы куысты, кæцы сорганизаци кодтой Абхазы Президенты цур Стратегион иртæстыты центр æмæ Приднестровьейы Официалон Минæварад Абхазы.

Донецкы террористон акты охыл Республикæ Хуссар Ирыстоны Фæсарæйнаг хъуыддæгты министр Джиоты Æхсар арвыста Мæсæллæйы нотæ Уæрæсейы Федерацийы Уæлвæткон æмæ Æххæстбарджын Минæвар Республикæ Хуссар Ирыстоны Марат Кулахметовмæ.

Нотæйы дзырдæуы:

«Стыр хъыгзæрдæйæ райстон Донецкы æрцæугæ террористон акты цау, кæцыйы фæстиуæгæн фæхъуыдысты бирæ адæм.

Хуссар Ирыстон иу æмæ дыууæ хатты нæ бавзæрста Гуырдзыстоны ‘рдыгæй терроры акцитæ, æмæ уый фæдыл у ацы фыдракæнды ныхмæ. Ныфс дарæм, ацы æгъатырдзинады чидæриддæр хайад иста, уыдон кæй баййафдзысты æмбæлгæ ‘фхæрд».

Тъæнджы мæйы 12-15 бонты Республикæ Хуссар Ирыстоны Уæлвæткон æмæ Æххæстбарджын Минæвар Республикæ Никарагуайы Козаты Нарим бабæрæг кодта Республикæ Никарагуа. Балцы фæлгæтты ацыдысты фембæлдтытæ, сæ нымæцы Республикæ Никарагуайы Фæсарæйнаг хъуыддæгты министр Денис Монкадаимæ, афтæмæй ма Республикæ Никарагуайы Президенты Уынаффæгæнæг инвестицитæ, базарад æмæ æхсæнадæмон æмгуыстады фарстыты фæдыл Лауреано Ортега Мурильоимæ.

Ныхасы рæстæджы æрдзырдæуыд хуссарирыстойнаг-никарагуайаг дывæрсон æмгуыстады размæдзыды фарстытыл.

Цхинвал, 2024 азы тъæнджы мæйы 16-æм бон

Республикæ Хуссар Ирыстоны Фæсарæйнаг хъуыддæгты министр Джиоты Æхсар раарфæ кодта Республикæ Абхазы Уæлвæткон æмæ Æххæстбарджын Минæвар Республикæ Хуссар Ирыстоны Елбачиты Аланæн йæ юбилейы цытæн.

Сæрмагондæй, арфæйы дзырдæуы:

Уæрæсейы Федерацийы Фæсарæйнаг хъуыддæгты министр Сергей Лавров æрцæугæ Ног азы цытæн раарфæ кодта Республикæ Хуссар Ирыстоны Фæсарæйнаг хъуыддæгты министр Джиоты Æхсарæн.

Сæрмагондæй, арфæйы дзырдæуы:

«Зæрдæбын арфæ дын кæнын Ног 2024 азы цытæн! Мæ зæрдæ зæгъы дæуæн дæр æмæ дæ бинонтæн дæр æнæниздзинад, амонд, æнтыстытæ æмæ иууыл хуыздæр фæндиæгтæ!».

2023 азы Республикæ Хуссар Ирыстоны Фæсарæйнаг хъуыддæгты министрад æмæ РХИ-йы ФХъМ-йы фæсарæйнаг уагдæттæ сæ хæслæвæрдтæм гæсгæ дарддæр кодтой сæ куыст Хуссар Ирыстоны интерестæ æхсæнадæмон аренæйы хъахъхъæнын æмæ размæ кæнын, Хуссар Ирыстонæн дипломатон ахастытæ цы паддзахадтимæ ис, уыдонимæ æмгуыстад фидар кæнын, афтæмæй ма æхсæнадæмон бастдзинæдтæ уæрæх кæныны фадгуыты.

Цыппурсы мæйы 22-æм бон ацыд Хуссар Ирыстон æмæ Никарагуайы сывæллæтты шахмæтты командæты онлайн-турнир тагъд шахмæттæй.

Онлайн-турнир уагъд æрцыд Республикæ Хуссар Ирыстоны Фæсарæйнаг хъуыддæгты министрады хъæппæрисæй.

Шахмæтты федерациты фарсæрдыгæй мадзалы хайад райстой Хуссар Ирыстоны Шахмæтты федерацийы сæрдар Сæулохты Георгий æмæ Никарагуайы Ахуырады министрады Шахмæтты программæйы национ директор Памела Арларкон.

Республикæ Хуссар Ирыстоны Фæсарæйнаг хъуыддæгты министрад арвыста арфæйы фыстæг Республикæ Науруйы Фæсарæйнаг хъуыддæгты базарад æмæ финансты министрадмæ Республикæ Хуссар Ирыстон æмæ Республикæ Науруйы ‘хсæн дипломатон ахастытæ сфидар кæнынæй 14 азы рацыды цытæн.

Сæрмагондæй, арфæйы дзырдæуы: