Сообщения МИД РЮО

22 апрелы Республикæ Хуссар Ирыстоны Президент Тыбылты Леонид йæхимæ райста Республикæ Науруйы делегацийы. Йæ сæргъ лæууыдис Вице-президент Дэвид Адеанг. Делегацийы сконды ма уыдысты Парламенты вице-спикер Рэнин Акуа, Финансты министры хæдивæг Мартин Хант æмæ Парламенты депутат Сирил Бурамен. Хуссар Ирыстоны ‘рдыгæй фарс химæрайсты хайад райстой Президенты Паддзахадон уынаффæгæнæг Коцты Константин, Фæсарæйнаг хъуыддæгты министры фыццаг хæдивæг Цхуырбаты Казбулат æмæ Æттагон политикæ æмæ æхсæнпарламентон бастдзинæдты фæдыл Парламенты комитеты сæрдар Коцты Игорь.

21 апрелы киноконцертон залы «Чермен» байгом италиаг фотограф Леонардо Маттиолийы фоторавдыст ахæм номимæ: «Хуссар Ирыстон – бæстæ æмæ адæм». Йæ организатор уыдис РХИ Фæсарæйнаг хъуыддæгты министрад Итали-Хуссар Ирыстоны Хæлардзинады æхсæнадимæ иумæ РХИ Культурæйы министрады фарсхæцынадæй.

Равдыст байгом кæныны хайад райстой РХИ Фæсарæйнаг хъуыддæгты министры хæдивæг Коцты А.К., РХИ Хицауады сæрдары хæдивæг Пухаты Э.Г., РХИ Культурæйы министр Остъаты М.А., Итали-Хуссар Ирыстоны Хæлардзинады æхсæнады Президент Мауро Мурджиа, æхсæнады минæвæрттæ.

2015 азы 16 апрелы Мæскуйы Республикæ Хуссар Ирыстоны Фæсарæйнаг хъуыддæгты министры фыццаг хæдивæг Цхуырбаты Казбулатæн фембæлд уыдис Республикæ Науруйы делегациимæ, кæцыйы сæргъ лæууыди Президенты Æххуысгæнæг, финансты æмæ юстицийы министр Дэвид Адеанг.

Ацы бонты Республикæ Хуссар Ирыстон-Италийы Хæлардзинады æхсæнады Президент профессор Мауро Мурджиайы сæргълæудæй кусæгон визиты ис Италийы делегаци.

21 апрелы Республикæ Хуссар Ирыстоны Фæсарæйнаг хъуыддæгты министрады æмæ культурæйы министрады фарсхæцынадæй байгом уыдзæнис италиаг фотограф Леонардо Маттиолийы фоторавдыст ахæм номимæ: «Хуссар Ирыстон – бæстæ æмæ адæм», кæцы организаци цæуы Итали-Хуссар Ирыстоны Хæлардзинады æхсæнады Президент профессор Мауро Мурджиайы хайадистæй.

Фоторавдыст байгом уыдзæнис киноконцертон зал «Чермен»-ы 21 апрелы 11 сахатыл.

Боливариайнаг Республикæ Венесуэлайы Хуссар Ирыстоны Уæлрадон æмæ Æххæстбарджын Минæвар Тыбылты Даниель визиты ис Венесуэлайы.

15 апрелы Венесуэлайы Фæсарæйнаг хъуыддæгты министрады, горæт Каракасы уыдис Минæвары фембæлд Боливариайн Республикæ Венесуэлайы Фæсарæйнаг хъуыддæгты министр Делси Родригесимæ. Фембæлды Тыбылты Даниель Фæсарæйнаг хъуыддæгты министрмæ радта æууæнчы грамотаты халдихтæ.

Фембæлды рæстæджы дыууæ фарсы дæр æруынаффæ кодтой дывæрсыг æмкуысткæнынадаг æмæ дыууæ паддзахады ‘хсæн ахастытæ рæзын кæныны дарддæры прспективæтыл.

2015 азы 16 апрелы Луганскы Адæмон Республикæйы уыдис Республикæ Хуссар Ирыстоны Минæварад бакæныны церемони.

Минæварад бакæныны церемонийы фæстæ уыдис РХИ минæвæртты фембæлд ЛАР Сæргълæууæг Игорь Плотницкиимæ, кæцыран дыууæ фарсы дæр ныфсдзинад загътой, зæгъгæ, Минæварады куыст ахъаз кæндзæнис Хуссар Ирыстоны æмæ Луганскы ‘хсæн хæлардзинадон бастдзинæдтæ рæзын кæнынæн, афтæ ма гуманитарон, экономикон æмæ æндæр сферæты дывæрсыг ахастытæ рæзын кæнынæн дæр.

Цхинвал, 2015 азы 17 апрель

16 апрелы Донецкы Адæмон Республикæйы горæт Донецкы йæ куыст райдыдта Республикæ Хуссар Ирыстоны минæварад.

Минæварад бакæныны церемонийы ДАР минæвæрттæ ныфсдзинад загътой, зæгъгæ, Минæварад бакæнын ахъаз кæндзæнис Донбассы æмæ Хуссар Ирыстоны ‘хсæн гуманитарон, экономикон æмæ æндæр сферæты ахастытæ рæзын кæнынæн.

Æввахсдæр перспективæйы фæнд цæуы, цæмæй ахæм офис баконд æрцæуа Хуссар Ирыстоны сæйраг горæт Цхинвалы дæр.

Цхинвал, 2015 азы 16 апрель

2014 азы 19 ноябры Цхинвалы уыдис фæсконфликтон уавæр æрбæстон кæныны фарстыты фæдыл Президенты Æххæстбарджын минæвар Джиоты Мураты сæргълæудæй Женевайы дискусситы хайадисæг хуссарирыстойнаг делегацийы кусæгон фембæлд Фæскавказы æдасдзинад æмæ стабилондзинады ЕЦ, ЕÆÆО æмæ БНО Женевайы дискусситы Æмсæрдæрттимæ, кæцытæ нæ Республикæмæ æрцыдысты дискусситы радон раунды хæдразмæ.

Фембæлды рæстæджы æрдзырдтой Женевайы дискусситы тематикæйы æппæт спектрты фарстытыл, кæцытыл æруынаффæ кæнын нысан цæуы ацы аз, декабры.

29 октябры Республикæ Хуссар Ирыстоны Фæсарæйнаг хъуыддæгты министр Санахъоты Д.Г. йæхимæ райста Республикæ Хуссар Ирыстоны Сырх Дзуары Дунеон Комитеты ног сæргълæууæг Ян Мишкоцы.

Фембæлды рæстæджы дыууæ фарсы æруынаффæ кодтой дывæрсыг æмкуысткæнынад æмæ организацийы дарддæры архайдыфарстытыл Хуссар Ирыстоны. Санахъоты Д.Г. бузныг загъта Сырх Дзуары Дунеон Комитеты Хуссар Ирыстоны цы проекттæ æххæст кæны, уыдон тыххæй æмæ сын банысан кодта сæ нысаниуæг.

Фæскавказы æдасдзинад æмæ стабилондзинады фарстаты фæдыл Дунеон дискусситы 29-æм раунды хатдзæгты тыххæй

2014 азы 7-8 октябры Женевæйы уыдис Фæскавказы æдасдзинад æмæ стабилондзинады фæдыл Дунеон дискусситы радон раунд. Хайад дзы райстой Республикæ Хуссар Ирыстоны, Абхазы Республикæ, Гуырдзыстон, Уæрæсейы Федераци, АИШ делегацитæ, афтæ ма ЕЦ, ИНО æмæ ЕÆÆО минæвæрттæ. Хуссарирыстойнаг делегацийы сæргъ лæууыдис фæсконфликтон ситуаци æрбæстон кæныны фарстаты фæдыл Президенты Æххæстбарджын минæвар Джиоты М.К.

14 сентябры Республикæ Хуссар Ирыстоны Фæсарæйнаг хъуыддæгты министр Санахъоты Давид йæхимæ райста Сырх Дзуары Дунеон Комитеты Цхинвалы офисы хъахъхъæнæг хайады Делегат Чингиз Райимбековы.

Химæрайсты рæстæджы уынаффæ цыдис Сырх Дзуары Дунеон Комитеты архайды фарстаты фæдыл Хуссар Ирыстоны. Æлдар Чингиз Райимбеков Фæсарæйнаг хъуыддæгты министрæн информаци радта фæстаг мæйты йæ организаци Хуссар Ирыстоны цы куыстытæ бакодта, уыдоны тыххæй. Сæ кæрæдзийæн сæ хъуыдытæ загътой, дыууæтæн дæр пайда чи у, къорд ахæм фарстаты тыххæй.

Цхинвал, 2014 азы 24 сентябрь

Республикæ Хуссар Ирыстоны Фæсарæйнаг хъуыддæгты министр Санахъоты Д.Г. Уæрæсейы Федерацийы Фæсарæйнаг хъуыддæгты министрады статс-секретарь-Уæрæсейы Федерацийы Фæсарæйнаг хъуыддæгты министры хæдивæг Г.Б. Карасинимæ телефоны кæй ныхас кодта, уый фæдыл

17 сентябры Республикæ Хуссар Ирыстоны Фæсарæйнаг хъуыддæгты министр Санахъоты Д.Г. телефонæй ныхас кодта Уæрæсейы Фæсарæйнаг хъуыддæгты министрады статс-секретарь- министры хæдивæг Г.Б. Карасинимæ.