4-6 майы Республикæ Хуссар Ирыстоны столицæ Цхинвалы æнхъæлмæ кастæуы Боливарианаг Республикæ Венесуэлайы Уæлвæткон æмæ Æххæстбарджын Минæвар Хуан Висенте Паредеса Торреальбайы æрцыдмæ.
Сообщения МИД РЮО
25 апрелы, Мæскуыйы, Республикæ Хуссар Ирыстоны Фæсарæйнаг хъуыддæгты министры хæстæ æххæстгæнæг Санахъоты Д.Г. фæмбæлд статс-секретарь – Уæрæсейы Федерацийы Фæсарæйнаг хъуыддæгты министры хæдивæг Г.Б. Карасинимæ æмæ сын уыдис консультацитæ.
Фембæлды кæрæдзийæн лæмбынæгæй сæ хъуыдытæ загътой, дыууæ фарсæн дæр цымыдисон чи сты, уыцы дывæрсыг ахастыты актуалон фарстаты тыххæй, афтæ ма бæлвырд æрцыдысты æндæр къабæзты дыууæ бæстæйы интерестæн бындурон куыстыты фæдæздæхты дарддæры рæзтмæ.
2014 азы 25 апрелы уыдис Республикæ Хуссар Ирыстоны Фæсарæйнаг хъуыддæгты министры хæсты æххæстгæнæг Санахъоты Д.Г., Уæрæсейы Федерацийы Фæсарæйнаг хъуыддæгты министр С.В. Лавров æмæ Абхазы Республикæйы Фæсарæйнаг хъуыддæгты министр В.А. Чирикбайы кусæгон фембæлд.
Хуссар Ирыстоны æмæ Уæрæсейы ‘хсæн фембæлдтыты фæлгæтты къухтæ фыст æрцыдысты 2014-2015 азты æхсæнмидхъуыддæгты консультациты планыл.
Италимæ Фæсарæйнаг хъуыддæгты министры хæстæ æххæстгæнæг Санахъоты Д.Г. кусæгон балцы тыххæй
2014 азы 27-31 марты Республикæ Хуссар Ирыстоны Фæсарæйнаг хъуыддæгты министры хæстæ æххæстгæнæг Санахъоты Д.Г. кусæгон балцы уыдис Италийы. Балцы фæлгæтты уый горæдтæ Ассизи, Беллуно æмæ Венецийы ауагъта къорд хъуыддагон фембæлды.
Горæт Ассизийы йын фембæлд уыдис горæты мэры фыццаг уынаффæгæнæг Франческо Миньаниимæ, кæцыран æркастысты Цхинвал æмæ Ассизийы ‘хсæн экономикæйы, культурæйы æмæ ахуырады къабæзты перспективон бастдзинæдтæ аразыны фарстатæм.
Фæскавказы æдасдзинад æмæ стабилондзинады фарстаты фæдыл Женевæйы дискусситы 27-æм раунды тыххæй
2014 азы 25-26 марты Женевæйы уыдис Женевæйы дискусситы æнæрадон 27-æм раунд Фæскавказы æдасдзинад æмæ стабилондзинады фæдыл. Фембæлды хайад райстой Республикæ Хуссар Ирыстоны, Абхазы Республикæйы, Гуырдзыстоны, Уæрæсейы Федерацийы, АИШ минæвæрттæ, афтæ ма ЕЦ, БНО æмæ ЕЦÆО. Хуссарирыстойнаг делегацийы сæргъ лæууыдис фæсконфликтон фарстатæ æрбæстон кæныны фæдыл Президенты Æххæстбарджын минæвар Джиоты М.К.
2014 азы 11 марты фæсконфликтон фарстатæ æрбæстон кæныны фæдыл Женевæйы дискусситы хайадисæг хуссарирыстойнаг делегацийæн Президенты Æххæстбарджын Минæвар Джиоты Мураты сæргълæудæй Цхинвалы кусæгон фембæлд уыдис Фæскавказы æдасдзинад æмæ стабилондзинады фæдыл Женевæйы дискусситы æмсæрдæрттимæ ЕЦ, ЕЦÆО æмæ БНО-йæ, кæцытæ Республикæмæ æрцыдысты дискусситы радон раунды хæдразмæ.
Фембæлды бындурон темæ уыдис, ацы аз 25-26 марты, нысангонд чи цæуы, Женевæйы дискусситы уыцы 27-æм раундмæ бацæттæ кæнын.
28 февралæй 3 мартмæ Республикæ Хуссар Ирыстоны кусæгон визитимæ уыдис Итали æмæ Сан-Маринойы делегаци Итали-Хуссар Ирыстоны хæлардзинады Æхсæнады Президент профессор Мауро Мурджиайы сæргълæудæй.
Делегацийы йæхимæ райста Республикæ Хуссар Ирыстоны Фæсарæйнаг хъуыддæгты министры хæстæ æххæстгæнæг Санахъоты Д.Г. Ныхасы рæстæджы банысан æрцыдис, бирæрæстæгмæйон интерестæн дзуапп кæй дæтты ахастыты дарддæры рæзт æмæ фидардæр кæнынæн, сæрмагондæй та Итали-Хуссар Ирыстоны хæлардзинады Æхсæнады базарадон-экономикон æмæ культурон къабæзты фæлгæтты.
28 февралы Республикæ Хуссар Ирыстоны Фæсарæйнаг хъуыддæгты министры хæстæ æххæстгæнæг Санахъоты Дауыт Абхазы Республикæйы Республикæ Хуссар Ирыстоны ног снысангонд Минæвар Елбачиты Аланæй райста æууæнчы грамотæты халдихтæ.
Санахъоты Дауыт арфæ ракодта Елбачиты Аланæн, бынаты нысангонд кæй æрцыдис, уый тыххæй, æмæ йын загъта, цæмæй йын дывæрсыг ахастыты рæзты хъуыддаджы йæ куысты уа æнтыстытæ. Йæхи рады, Елбачиты Алан йæ цæттæдзинад загъта Абхаз æмæ Хуссар Ирыстоны ‘хсæн æппæтфарсон æмгуыстады дарддæры рæзтмæ.
Цхинвал, 2014 азы 28 февраль
Елбачиты Аланы Республикæ Хуссар Ирыстоны Абхазы Республикæйы Уæлрадон æмæ Æххæстбарджын Минæварæй снысан кæныны тыххæй
Республикæ Абхазы президент Александр Анквабы 30 январы Указæй Елбачиты Алан Мухарбеджы фырт нысан æрцыдис Республикæ Хуссар Ирыстоны Абхазы Республикæйы Уæлрадон æмæ Æххæстбарджын Минæварæй.
Цыбыр биографион зонæнтæ:
Елбачиты Алан Мухарбеджы фырт райгуырдис 1959 азы Сазалеты хъæуы Хуссар Ирыстоны Автономон областы.
1974 азы каст фæцис Дзауы астæуккаг скъола.
2014 азы 10-20 январы Республикæ Хуссар Ирыстоны Фæсарæйнаг хъуыддæгты министр Санахъоты Давид æмæ горæт Цхинвалы мэр Æлборты Алан кусæгон балцы уыдысты Италийы. Визиты нысан уыдис Итали æмæ Хуссар Ирыстоны хæлардзинады Ассоциацийы хайадистæй Цхинвал æмæ Ланузейы горæтты ´хсæн хæлардзинады Бадзырдыл къухтæ æрфыссын, кæцы æххæст æрцыдис 2014 азы 13 январы г. Ланузейы. Фидыдыл сæ къухтæ æрфыстой горæт Цхинвалы мэр Æлборты Алан æмæ горæт Ланузейы мэр Давидэ Ферелли.
Фæскавказы æдасдзинад æмæ стабилондзинады фарстаты фæдыл Женевæйы дискусситы 26-æм раунды тыххæй
2013 азы 17-18 декабры Женевæйы уагъд цыдис Фæскавказы æдасдзинады æмæ стабилондзинады фæдыл Женевæйы дискусситы радон раунд. Фембæлды хайад райстой Республикæ Хуссар Ирыстоны, Республикæ Абхазы, Гуырдзыстоны, Уæрæсейы Федерацийы, АИШ-ы минæвæрттæ, афтæ ма ЕЦ, ИНО æмæ ЕÆÆО-йы минæвæрттæ. Хуссарирыстойнаг делегацийы сæргъ лæууыдис Фæсконфликтон æрбæстон кæныны фарстыты фæдыл Президенты Æххæстбарджын Минæвар Джиоты М.К.
2013 азы 1 декабры 5 азы сæххæст Уæрæсейы Федерацийы Республикæ Хуссар Ирыстоны Минæварад саразыны æмæ йæ куыст райдайыны тыххæй Указыл къух фыст куы ‘рцыдис, уæдæй.
Дипломатон службæ равзарын, хуымæтæг хъуыддаг, мыййаг, нæу. Уый кæддæриддæр нысан кодта хи бæстæйы хæрзиуæгæн æндыгъд куыст кæнын, æдзух æй хуыздæр кæнынмæ тырнындзинад. Хъæуы дзы аналитикон зонд æмæ алыварсон æгъдауæй фенæг адæймаг, цахæмфæнды вазыгджын ситуациты дæр йæ бон раст уынаффæ райсын кæмæн у, ахæм.