Джеоргуыбайы мæйы 23-æм бон Æхсардзинад æмæ Адæмон Иудзинады боны ацыд Фыдыбæстæ хъахъхъæнджыты Мемориалон комплексмæ Кады æмæ Мысæн дидинтæ сæвæрыны церемони, горæт Цхинвалмæ æрбахизæны Присы къуылдымыл ацыд сæ риуы æмбæрц цы лæппутæ слæууыдысты æмæ бахъахъхъæдтой Фыдыбæстæ, уыдон мысæн митинг.
Афтæмæй ма ацы бон Республикæйы аргъуанты ацыдысты службæтæ, ХИПУ-йы студенттæ, скъолаты ахуырдзаутæ, Республикæйы æхсæнад скад кæныны охыл тырысатимæ ссыдысты Присы къуылдыммæ.
Ахсджиаг бæрæгбоны цытæн Хуыбылты Валерийы номыл культурæ æмæ фæлладуадзæн парчы цытджын æгъдауæй байгом Ирыстоны зынгæ гоймæгты цыртытимæ Кады аллей. Уымæй дарддæр ма Хуссар Ирыстоны Национ банчы ацыд сæрмагонд хæстон операцийы номыл зæрдылдарæн згъæрæхцайы презентаци.
Мадзæлтты хайад райстой Республикæ Хуссар Ирыстоны Фæсарæйнаг хъуыддæгты министр Джиоты Æхсар æмæ Министрады кусджытæ.
Цхинвал, 2023 азы джеоргуыбайы мæйы 23-æм бон