Цыппурсы мæйы 9-10 бонты Белграды ацыд Европæйы бæстæты уæрæсейаг æмбæстæгты XVI Регионалон конференци «Историческая память, русский язык и культура – основы идентичности российской диаспоры в странах Европы».
Конференцийы сæргълæууæг æмæ амонæг, куыд Европæйы Регионалон координацион советы (РКС) Сæргълæууæг, уыд Республикæ Хуссар Ирыстоны Фæсарæйнаг хъуыддæгты министрады Æххæстбарджын Минæвар Бенилюксы бæстæты Пухаты Радион.
Мадзал æрæмбырд кодта уæрæсейаг æмбæстæгты координацион советты сæргълæуджыты 20 бæстæйæ фылдæрæй, афтæмæй ма Уæрæсейæ дипломатты, парламентарийты æмæ æхсæнадон архайджыты, сербаг хицауады минæвæртты.
Европæйы бæстæтæй æмбæстæгты минæвæрттæ сæ куысты фæстиуджыты фæдыл раныхас кодтой докладтимæ, уымæй дарддæр радзырдтой, цы ног хъуыдытæ сæм ис æмæ цы проблемæтимæ æмбæлынц, уыдоны тыххæй. Уагъд æрцыдысты ныры уавæрты æмбæстæгты бартæ æмæ интерестæ хъахъхъæныны фарстыты æмæ æндæр актуалон проблемæты тыххæй дискусситæ.
Конференцийы хайадисджытæ Белграды Ссæрибаргæнджыты мемориалы Æнусон артмæ сæвæрдтой дидинтæ.
Конференцийы хатдзæгты фæдыл сфидаргонд æрцыд резолюци.
Цхинвал, 2023 азы цыппурсы мæйы 11-æм бон