Республикæ Хуссар Ирыстоны Фæсарæйнаг хъуыддæгты министр Джиоты Æхсар Дипломатон кусæджы боны цытæн арвыста арфæйы фыстæг Приднестроваг Молдаваг Республикæйы Фæсарæйнаг хъуыддæгты министр Виталий Игнатьевмæ.
Сæрмагондæй, арфæйы дзырдæуы:
«Приднестровьейы дипломатон службæйы минæвæртты цалдæр фæлтæр йæ сырæзты бонæй фæстæмæ фидарæй хъахъхъæнынц бæстæйы национ интерестæ, дунеон аренæйы йын бæрзонд кæнынц йæ ном æмæ хæссынц уæзгæ хайбавæрд паддзахады æддагполитикон бынат сфидар кæнынмæ. Абоны зын уавæрты Министрады раз цы хæслæвæрдтæ ис, уыдон бæрнонæй æххæст кæнынц приднестроваг дипломаттæ».