30 июлы Республикæ Хуссар Ирыстоны Фæсарæйнаг хъуыддæгты министр Санахъоты Давид йæхимæ райста Сырх Дзуары Дунеон Комитеты Цхинвалы офисы Сæргълæууæг Валентина Кимы.
Фембæлды рæстæджы уынаффæ цыдис Сырх Дзуары Дунеон Комитеты архайды фарстаты фæдыл Хуссар Ирыстоны, сæрмагондæй æхсин Ким министрæн информаци радта фæстаг мæйты йæ организаци цы куыст кодта, уый тыххæй. Кæрæдзийæн сæ хъуыдытæ загътой, дыууæтæ дæр кæмæ цымыдис кæнынц, къорд ахæм фарстаты фæдыл.
Санахъоты Давид бузныг загъта Сырх Дзуары Дунеон Комитеты Сæргълæууæгæн йæ визиты тыххæй æмæ банысан кодта Сырх Дзуары Дунеон Комитеты бирæазон ахадæн куысты фæдыл Хуссар Ирыстоны. Фæмбæлды хайадисджытæ сæ цæттæдзинад загътой сæ дардæры скоординацигонд архайды æмæ æргом æмкуысткæнынады сæраппонд.
Цхинвал, 2013 азы 30 июль