2014 азы 16 сентябры Республикæ Хуссар Ирыстоны кусæгон визиты уыдысты Фæскавказы æдасдзинады фæдыл Женевæйы дискусситы Æмсæрдæрттæ. Делегаци Цхинвалы фембæлдис фæсконфликтон ситуаци æрбæстон кæныны фæдыл Президенты Æххæстбарджын Минæвар Джиоты Мураты сæргълæудæй Хуссар Ирыстонæй Женевæйы дискусситы хайадисджытимæ.
Ныхасы рæстæджы уынаффæ цыдис, 2014 азы 7-8 октябры чи хъуамæ уа, Женевæйы уыцы 29-æм радон дискусситæм бацæттæ кæныны фарстаты фæдыл.
Фембæлды хайадисджытæ банысан кодтой регионы æдасдзинады сæраппонд дискусситæ дарддæр дæр кæныны ахсджиагдзинад æмæ загътой, чи уыдзæнис, уыцы раунды фæлгæтты цæттæ кæй сты ахадгæ æмæ конструктивон куыст кæнынмæ. Хуссарирыстойнаг фарс та ногæй банысан кодта тыхæй ма спайда кæныны фæдыл иумиаг хъусынгæнинаг райсыны æнæмæнгхъæуæгдзинады тыххæй.
Лæмбынæг ныхас цыдис гуманитарон фарстаты фæдыл, кæцыты ахсджиаг бынат ахстой æбæрæгæй чи фесæфтысты æмæ Гуырдзыстоны ахæстæтты чи бадынц Хуссар Ирыстоны уыцы æмбæстæгты хъысмæты тыххæй.
Консультациты фæстæ Женевæйы дискусситы Æмсæрдæрттæ фембæлдысты Хуссар Ирыстоны æмбæстæгтæй æбæрæгæй чи фесæфтысты, уыдоны хиуæттимæ.
Цхинвал, 2014 азы 16 сентябрь