Майрæмты мæйы 8-æм бон Гуырдзыстоны ‘рдыгæй Хуссар Ирыстоны ныхмæ хæстон агрессийæ 15 азы рацыды охыл мысæн мадзæлттæ ацыдысты Хуссар Ирыстоны Фæсарæйнаг хъуыддæгты министрады фæсарæйнаг уагдæтты, афтæмæй ма уæды трагикон цаутæ мысыдысты хæларадон паддзахадты дæр.
Мæскуыйы Ирвæзынгæнæг Чырыстийы Аргъуаны ссардтой гуырдзиаг агрессийы рæстæджы фæмардуæвæг Хуссар Ирыстоны цæрджыты рухс нæмттæ, афтæмæй ма Цхинвалы хъахъхъæнджыты, ирон æмæ уæрæсейаг Фидауынгæнæг тыхты хæстонты, уæрæсейаг æфсады солдаттæ æмæ офицерты рухс нæмттæ, кæцытæ сæ царды аргъæй хъахъхъæдтой Хуссар Ирыстоны. Мысæн мадзалы уыдысты Республикæ Хуссар Ирыстоны Минæварады, Республикæ Абхазы Минæварады, Мæскуыйы УФ-йы Президенты цур Республикæ Цæгат Ирыстон-Аланийы Æнæаивгæ Минæварады, Мæскуыйы УФ-йы Президенты цур Республикæ Хъырымы Æнæаивгæ Минæварады, афтæмæй ма Мæскуыйы ирон æхсæнады кусджытæ.
2008 азы майрæмты мæйы гуырдзиаг агрессийы амæттæгты рухс ном ссардтой Хуссар Ирыстоны Минæварады Абхазы дæр. Минæварадмæ æрбацыдысты Абхазы Вице-президент Бадра Гунба, Абхазы Хицауады сæрдар Александр Анкваб, Абхазы Президенты Администрацийы къухдариуæггæнæг Джансух Нанба, Абхазы Æдасдзинады советы Секретарь Сергей Шамба, Абхазы Æдасдзинадхъахъхъæнынады министр Владимир Ануа, Абхазы Фæсарæйнаг хъуыддæгты министр Инал Ардзинба, Уæрæсейы Минæвар Абхазы Михаил Шургалин, Приднестровьейы Официалон минæварады сæрдар Абхазы Гарри Купалба, Парламенты депутаттæ. Æрæмбырдуæвджытæ минут æдзæмæй алæугæйæ ссардтой 2008 азы майрæмты мæйы фæмардуæвджыты рухс ном. 2008 азы майрæмты мæйы цаутæ мысгæйæ, Хуссар Ирыстоны Минæвар Абхазы Боциты Олег бахахх кодта, Хуссар Ирыстоны адæм гуырдзиаг националистты къухæй цы геноцид бавзæрстой, уымæн сраст кæнæн кæй нæй, уый. Бадра Гунба Абхазы президенты æмæ адæмы номæй загъта бузныджы ныхæстæ Уæрæсейы къухдариуæгадæн, кæцы майрæмты мæйы бонты Хуссар Ирыстон æмæ Абхазы адæмы хъысмæтмæ бахаста уæзгæ хайбавæрд.
2008 азы хæсты фæмардуæвджыты рухс ном мысгæйæ, Тирасполы Кады Мемориалы Сыгъдæг Георгий Уæлахизхæссæджы аргъуанмæ сæвæрдæуыд дидинтæ. Митинг-реквиеммæ æрбацыдысты Хуссар Ирыстон æмæ Абхазы официалон минæвæрттæ, Приднестровьейы хицауады минæвæрттæ, горæты цæрджытæ. Хуссар Ирыстоны Официалон Минæварады Сæрдар Приднестровьейы Виталий Янковский банысан кодта, ирон адæм кæй аргъ кæнынц приднестровæгты æххуысæн, кæдон 2008 азы майрæмты мæйы уайтагъддæр æрбалæууыдысты Хуссар Ирыстоны фарсмæ æмæ ма бахахх кодта, æрмæстдæр иумæ кæй ис фæлæууæн геноцид æмæ агрессийы ныхмæ.
Ацы трагикон бонты фæдыл акци ацыд Италийы дæр, горæт Пезаройы.
Цхинвал, 2023 азы майрæмты мæйы 8-æм бон