Цыппурсы мæйы 12-æм бон Республикæ Хуссар Ирыстоны Фæсарæйнаг хъуыддæгты министр Джиоты Æхсар æмæ РХИ-йы Уæлвæткон æмæ Æххæстбарджын Минæвар УФ-йы Гасситы Знауыр Мæскуыйы мэр Сергей Собянины хуындæй хайад райстой Ног азы размæ райсты, кæцы ацыд Мæскуыйы концертон зал «Зарядье»-йы.
Мадзалы уыдысты Уæрæсейы Федерацийы хицауады æмæ æндæр официалон минæвæрттæ, дипломатон корпус.
Цхинвал, 2023 азы цыппурсы мæйы 12-æм бон
Республикæ Хуссар Ирыстоны Фæсарæйнаг хъуыддæгты министр Джиоты Æхсар арвыста арфæйы фыстæг Уæрæсейы Федерацийы Уæлвæткон æмæ Æххæстбарджын Минæвар Республикæ Хуссар Ирыстоны Марат Кулахметовмæ Уæрæсейы Федерацийы Конституцийы боны цытæн.
Сæрмагондæй, арфæйы дзырдæуы:
«1993 азы цыппурсы мæйы 12-æм бон ист æрцыд Уæрæсейы Бындурон закъон, кæцымæ гæсгæ бæрæг æрцыдысты паддзахаддзинады принциптæ æмæ æмбæстаджы сæйраг хæстæ æмæ бартæ. Бæстæйы демократон размæдзыды фидар бындур уæвгæйæ, Конституци ссис æмбæстагон сабырдзинады гарант.
Цыппурсы мæйы 12-æм бон Республикæ Хуссар Ирыстоны Фæсарæйнаг хъуыддæгты министр Джиоты Æхсар Мæскуымæ кусæгон балцы рæстæджы хайад райста ирон адæмы хуыздæр минæвæрттæй иу, æфсады инæлар, дыууæ хатты Советон Цæдисы Хъайтар Плиты Иссæйы райгуырдæй 120 азы рацыды фæдыл цытджын мадзалы, кæцы ацыд 1941-1945 азты стыр Фыдыбæстæйон хæсты Централон музейы «Кады залы».
Мадзал уагъд æрцыд Дзанайты Азанбекы номыл Культурæйы хæрзаудæн фонды сæргълæууæг Дзанайты Зауыры хъæппæрисæй æмæ ацыд ирон адæмы культурон-историон традицитæ парахат кæныны фæлгæтты.
Цыппурсы мæйы 4-8 бонты Республикæ Хуссар Ирыстоны Фæсарæйнаг хъуыддæгты министрады кусджытæ Уæрæсейы Фæсарæйнаг хъуыддæгты министрады (ФХъМ) Дипломатон академийы рацыдысты квалификаци фæуæлдæр кæныны фæдыл курсытæ.
«ФХъМ-йы пресс-службæйы организаци», зæгъгæ, ахæм курсытæ фæсарæйнаг дипломаттæн уагъд æрцыдысты фыццаг хатт æмæ сæ бацæттæ кодтой Уæрæсейы ФХъМ-йы Информаци æмæ мыхуыры департаментимæ иумæ.
Лекцитæ кастысты æрбахонгæ эксперттæ æмæ Фæсарæйнаг хъуыддæгты министрады кусджытæ, афтæмæй ма Дипломатон академийы профессортæ æмæ лектортæ.
Цыппурсы мæйы 9-10 бонты Белграды ацыд Европæйы бæстæты уæрæсейаг æмбæстæгты XVI Регионалон конференци «Историческая память, русский язык и культура – основы идентичности российской диаспоры в странах Европы».
Конференцийы сæргълæууæг æмæ амонæг, куыд Европæйы Регионалон координацион советы (РКС) Сæргълæууæг, уыд Республикæ Хуссар Ирыстоны Фæсарæйнаг хъуыддæгты министрады Æххæстбарджын Минæвар Бенилюксы бæстæты Пухаты Радион.
2023 азы цыппурсы мæйы 5-6 бонты Женевæйы ацыд Фæскавказы æдасдзинады фæдыл æхсæнадæмон дискусситы радон раунд. Фембæлды хайад райстой Республикæ Хуссар Ирыстоны, Республикæ Абхазы, Гуырдзыстоны, Уæрæсейы Федерацийы, Америкæйы Иугонд Штатты делегацитæ, афтæмæй ма Европæйы Цæдисы, Иугонд Нациты Организацийы, Европæйы Æдасдзинад æмæ æмгуыстады фæдыл организацийы минæвæрттæ. Хуссарирыстойнаг делегацийы сæргъ лæууыд Коцты Константин.
Фембæлды хайадисджытæ загътой сæ иумæйаг хъуыды Женевæйы дискусситы ахсджиагдзинады фæдыл æмæ банысан кодтой, ахъаз кæй сты регионалон æдасдзинадæн.
Республикæ Хуссар Ирыстоны Фæсарæйнаг хъуыддæгты министр Джиоты Æхсар арвыста юбилейы цытæн арфæйы фыстæг Республикæ Никарагуайы Фæсарæйнаг хъуыддæгты министр Денис Роналдо Монкада Колиндресмæ.
Сæрмагондæй, арфæйы дзырдæуы:
«Æцæг революционер æмæ Даниэль Ортегайы æмвæндон, паддзахадон архайæг æмæ дипломат, патриот æмæ йæ бæстæйы æмбæстаг уæвгæйæ, бирæ азты дæргъы бæрнонæй фæкуыстай Никарагуа æмæ йæ адæмы хæрзиуæгæн.
Дунеон зын политикон уавæры дæ къухдариуæгады бын цæуы бæстон куыст Никарагуайы æмæ йе ‘мцæдисонты æддагполитикон интерестæ хъахъхъæныны хъуыддаджы».
2023 азы джеоргуыбайы мæйы 6-æм бон Гуырдзыстонимæ арæнгæрон Ленингоры районы хъæу Æмдзаринмæ хæстæг цы цау æрцыд, уый фæдыл джеоргуыбайы мæйы 23-æм бон Европæйы парламент ныффидар кодта резолюци.
Хъыгагæн, уынæм европæйаг структурæты рæууатмæ цыд. Фæнысангонд гоймæгтæ барвæндæй кæй рахызтысты Республикæ Хуссар Ирыстоны арæны сæрты æмæ кæй сæвзæрын кодтой арæнхъахъхъæнджыты цардæн тæссагдзинад, уый дызæрдыккаг нæу, уымæй дарддæр уыцы цау нысангонд æрцыд видеоæрмæджытæ æмæ къамтыл.
Джеоргуыбайы мæйы 23-æм бон Æхсардзинад æмæ Адæмон Иудзинады боны ацыд Фыдыбæстæ хъахъхъæнджыты Мемориалон комплексмæ Кады æмæ Мысæн дидинтæ сæвæрыны церемони, горæт Цхинвалмæ æрбахизæны Присы къуылдымыл ацыд сæ риуы æмбæрц цы лæппутæ слæууыдысты æмæ бахъахъхъæдтой Фыдыбæстæ, уыдон мысæн митинг.
Афтæмæй ма ацы бон Республикæйы аргъуанты ацыдысты службæтæ, ХИПУ-йы студенттæ, скъолаты ахуырдзаутæ, Республикæйы æхсæнад скад кæныны охыл тырысатимæ ссыдысты Присы къуылдыммæ.
Æхсардзинады æмæ Адæмон Иудзинады боны фæдыл Республикæ Абхазы Фæсарæйнаг хъуыддæгты министрад рарвыста арфæйы фыстæг Республикæ Хуссар Ирыстоны Фæсарæйнаг хъуыддæгты министрадмæ.
Сæрмагондæй, арфæйы дзырдæуы:
«1989 азы джеоргуыбайы мæйы 23-æм бон у æхсардзинад, æнæбасæтгæ ныфсы фидар дæнцæг, кæцы ссис адæмы иудзинады символ. Ацы бон æрæвæрдта бындур Хуссар Ирыстоны адæмы Фыдыбæстæйы сæрибардзинад æмæ хæдбарады сæраппонд хъæбатыр тохæн .
Абон Хуссар Ирыстон размæ цæуы, хъахъхъæны йæ истори, хъæздыг культурæ æмæ æгъдæуттæ».
Джеоргуыбайы мæйы 23-æм бон рацыд 34 азы хуссарирыстойнаг адæмы сæ сæрибар, сæ зæххыл цæрыны бартыл тох кæнынæй. Нæ Фыдыбæстæйы ног историйы ацы бон у вазыгджын æмæ нысан кæны æвæджиау хæддыхдзинад æмæ адæмы иудзинад.
Ацы бон 1989 азы мингай гуырдзиаг националисттæ гæрзифтонгæй æрбацыдысты Цхинвалмæ нæбасæтгæ ирæттæн «зонд бацамоныны» фæндимæ. Фæлæ сæ фæндтæ сæ къухты нæ бафтыдысты. Ирон адæм æрбаиу сты æмæ сын сæ фæндаг æрæхгæдтой. Уый уыд национ иудзинады æвдисæн.
Республикæ Хуссар Ирыстоны Фæсарæйнаг хъуыддæгты министр Джиоты Æхсар арвыста арфæйы фыстæг юбилейы цытæн Уæрæсейы Федерацийы Фæсарæйнаг хъуыддæгты министрады Хæдбар Паддзахадты Æмхæларады бæстæты Цыппæрæм департаменты директор Денис Гончармæ.
Сæрмагондæй, арфæйы дзырдæуы:
«Дæ бæрзонд профессионализм æмæ адæймаджы миниуджытæ нысан кæнгæйæ, фæнды мæ уæлдай тынг бахахх кæнын де стыр хайбавæрд хуссарирыстойнаг-уæрæсейаг политикон æмæ дипломатон ахастытæ сфидар кæнынмæ. Уый нæ бæстæты æмæ адæмы ‘хсæн бастдзинæдты размæдзыдæн дæтты фидар бындур».
